ГИПЕРТЕНЗИЯҒА ҚАРСЫ ҚАСИЕТТЕРІ БАР ДӘРІЛІК ӨСІМДІКТЕРДІ МЕДИЦИНАДА ҚОЛДАНУ (ӘДЕБИ ШОЛУ)

Алынды: 06.01.2025 Қабылданды: 27.01.2025 Онлайн жарияланды: 27.02.2025
DOI: 10.53511/pharmkaz.2025.42.20.017
ӘОЖ: 615.3:616.12-008.331.1
Ж.С. Токсанбаева1, А.Г. Ибрагимова1, А.С. Туреханова1, Ж.К.Шимирова1, Ж.Т. Дустанова1
1 «Оңтүстік Қазақстан медицина академиясы» Акционерлік Қоғамы, Шымкент қ., Қазақстан
ГИПЕРТЕНЗИЯҒА ҚАРСЫ ҚАСИЕТТЕРІ БАР ДӘРІЛІК ӨСІМДІКТЕРДІ МЕДИЦИНАДА ҚОЛДАНУ
(ӘДЕБИ ШОЛУ)
Кіріспе: Фитотерапия қазіргі медицинаның маңызды бөлігі болып табылады, әсіресе гипертонияны емдеуде.
Антигипертензивті қасиеттері бар дәрілік өсімдіктер дәстүрлі және баламалы медицинада кеңінен қолданылады.
Бұл шолудың мақсаты – өсімдік компоненттерінің қан қысымына әсерін талдау және жүйелеу.
Материалдар мен әдістер
2013–2024 жылдар аралығында PubMed, Google Scholar, CyberLeninka, e-Library және WILEY деректер базаларында
жүйелі әдеби іздеу жүргізілді. Іріктеу критерийлеріне жүйелі шолулар, мета-анализдер және ашық қолжетімді
түпнұсқалық зерттеулер кірді. Жарнамалық жарияланымдар мен жеке хабарламалар алынып тасталды.
Нәтижелер
Зерттеу нәтижелері фитопрепараттардың құрамында ментол, флавоноидтар, эфир майлары және басқа да белсенді
компоненттер бар екенін және олардың қан тамырларын кеңейтуге, қан қысымын төмендетуге және гипертония
симптомдарын азайтуға көмектесетінін көрсетті. Сонымен қатар, дәрілік өсімдіктердің компоненттері мен
цитохром P-450 арқылы дәрілік заттардың метаболизмі арасындағы байланыс анықталды.
Талқылау
Гипертонияны емдеуде фитопрепараттарды қолдану үшін олардың оңтайлы дозасын анықтау және ықтимал
дәрілік өзара әрекеттесуін зерттеу мақсатында қосымша клиникалық зерттеулер қажет. Сонымен қатар,
фитотерапия дәстүрлі терапияға балама немесе қосымша құрал ретінде перспективалы бағыт болуы мүмкін.
Қорытынды
Фитотерапия гипертонияны емдеуде болашағы зор бағыт болып табылады. Фитопрепараттарды клиникалық
практикаға енгізу және олардың қауіпсіздігін қамтамасыз ету үшін қосымша зерттеулер қажет.
Түйінді сөздер: гипертония, фитотерапия, дәрілік өсімдіктер, эфир майлары, флавоноидтар, дәстүрлі медицина.

количество просмотров / 👁 18

Leave a Reply

Your email address will not be published. Required fields are marked *