Алынды: 19 мамыр 2026 ж.
Қабылданды: 26 қыркүйек 2026 ж.
Онлайн жарияланды: 30 қазан 2026 ж.
ӘОЖ: 615.322:543.544.5:615.07
DOI: 10.53511/pharmkaz.2026.5.17
Мақала түрі: Түпнұсқалық ғылыми мақала
(Эксперименттік зерттеу)
ALTHAEA OFFİCİNALİS L. ТАМЫРЫ СЫҒЫНДЫСЫНЫҢ САПАСЫН БАҚЫЛАУ ӘДІСІН ӘЗІРЛЕУ
Сүлейманов Т.А.¹, Балаева Е.З.¹, Фараджова Ж.А.¹
¹ Әзербайжан медицина университеті, Фармацевтикалық химия кафедрасы, Баку, Әзербайжан
Кіріспе және мақсат. Althaea officinalis L. тамырындағы көмірсулы компоненттерді анықтау өсімдік сығындысының сапасын бағалау үшін маңызды. Жұмыстың мақсаты – A. officinalis тамыры сығындысындағы глюкоза мен фруктозаны рефрактометриялық детекциясы бар жоғары тиімді сұйықтық хроматографиясы (ЖТСХ-RID) арқылы анықтау жағдайларын әзірлеу және әдістің жекелеген аналитикалық сипаттамаларын бағалау.
Материалдар мен әдістер. Althaea officinalis L. тамырының құрғақ сығындысы, глюкоза мен фруктозаның стандартты үлгілері және RID детекторы бар Agilent 1260 Infinity II жүйесі қолданылды. Ұсталу уақыты мен шың ауданының қайталанғыштығы, хроматографиялық жүйенің жарамдылығы, анықтау шегі (LOD) және сандық анықтау шегі (LOQ) бағаланды.
Нәтижелер. Хроматографиялау шарттары: инъекция көлемі 10 мкл, баған температурасы 40 °C, ағын жылдамдығы 1,0 мл/мин, жылжымалы фаза ацетонитрил–су (750:250, көлем/көлем). Стандарттар шыңдарының ауданы бойынша салыстырмалы стандартты ауытқу глюкоза үшін 0,476 %, фруктоза үшін 0,789 % болды. Глюкоза үшін LOD және LOQ тиісінше 0,059 және 0,180 мг/мл, фруктоза үшін 0,073 және 0,221 мг/мл құрады.
Талқылау және қорытынды. Нәтижелер берілген шарттарда глюкоза мен фруктозаны анықтаудың қайталанғыштығын сипаттайды. Бұл тәжірибелер бүтін полисахаридтердің тікелей сандық мөлшерін дәлелдемейді. Әдісті толыққанды сапаны бақылау рәсімі ретінде қолдану үшін селективтілік, дұрыстық және жұмыс диапазоны қосымша зерттелуі қажет.
Түйінді сөздер: Althaea officinalis L.; тамыр сығындысы; глюкоза; фруктоза; ЖТСХ-RID; жүйенің жарамдылығы; сапаны бақылау.
